सञ्जालहब
१९ साउन- काठमाडौँ, कक्षा १२ को नतिजा राष्ट्रिय परीक्षा बोर्डले आज साँझ ७ बजेसम्म सार्वजनिक गर्ने तयारी गरिरहेको छ।
कुनै प्राविधिक समस्या नआए, नतिजा आजै प्रकाशित हुने राष्ट्रिय परीक्षा बोर्डले जनाएको छ। गत वैशाख २१ गतेदेखि जेठ २ गतेसम्म सञ्चालन भएको परीक्षामा देशभरबाट ५ लाख ११ हजार ५ सय २५ जना विद्यार्थी सहभागी भएका थिए। तीमध्ये ३ लाख ९५ हजार ९ सय ८ जना नियमित र १ लाख १५ हजार ६ सय १७ जना आंशिकतर्फका परीक्षार्थी रहेका थिए।
बोर्डले नतिजा सार्वजनिक गर्न आवश्यक सबै प्राविधिक प्रक्रिया अन्तिम चरणमा पुगेको बताएको छ।
बोर्डको वेबसाइटसहित एसएमएस र विभिन्न मोबाइल एपमार्फत पनि नतिजा हेर्न सकिनेछ।
प्रतिक्रिया दिनुहोस्