आफ्नो घर फर्किँदै गर्दा बाघको आक्रमणबाट एक जना घाइते

१८ साउन -अछाम, बाघको आक्रमणबाट एक जना घाइते भएका छन्।

थापा शनिवार दिउँसो ढकारी गाउँपालिका– ४ घर भई हाल कैलालीको मोहन्याल गाउँपालिका–१ बस्ने ४९ वर्षीय धर्म सिंह बाघको आक्रमणमा परि घाइते भएका छन।


थापा ससुराली दाउन्मोराबाट आफ्नो घर भिरमुड फर्किँदै गर्दा बसन्त सामुदायिक वनअन्तर्गतको बुकखोला डाँडामा दिउँसो करिब ३ बजे बाघले आक्रमण गरेको जिल्ला प्रहरी कार्यालय अछामले जनाएको छ।

आक्रमणका क्रममा थापाको दुवै गाला, टाउको र बायाँ हातको पाखुरामा गहिरो चोट लागेको ब छ। उनलाई उपचारका लागि जिल्ला अस्पताल मंगलसेन पुगाइएको छ। थापा अचानक बाघको आक्रमणमा परे पछि सो क्षेत्रमा स्थानीय बासी त्रसित बनेका छन् ।

प्रतिक्रिया दिनुहोस्