हाई मास्ट लाइटको पोलमा ट्रक ठोक्कियो

११ साउन-कैलाली, चोकको हाई मास्ट लाइटको पोलमा ट्रक ठोक्किएको छ। घटना लम्की चुहा नगरपालिका–२ गणेशपुरको हो ।

शनिवार राति पूर्वपश्चिम राजमार्ग अन्तरगत बिच सडकमा राखिएको हाई मास्ट लाइटको पोलमा सुदूरपश्चिम प्रदेश ०१००१ ख २७८१ नम्बरको ट्रक ठोक्किएको हो। ट्रकको ठक्करबाट पोल ढलेपछि हाइमास्ट लाइट क्षतविक्षत भएको छ।

ट्रकका सह चालक पुनर्वास नगरपालिका–११ का सुमन सन्यासी घाइते भएको इलाका प्रहरी कार्यालय लम्कीले जनाएको छ। उनको धनगढीमा रहेको माया मेट्रो अस्पतालमा उपचार भइरहेको छ।

पश्चिमबाट पूर्व तर्फ जाँदै गरेको ट्रक पोलमा ठोक्किएर दुर्घटना भएको थियो। प्रहरीले ट्रक र चालकलाई नियन्त्रणमा लिएको जनाएको छ।