सञ्जालहब
७ साउन- जनकपुरधाम, नेपाल-भारत सीमावर्ती क्षेत्रमा रासायनिक मल तस्करी गर्ने समूहले भारतीय सीमा सुरक्षा बलको हतियार लुट्ने प्रयास गरेका छन ।
धनुषाको मैनाथपुरस्थित भारततर्फ खटेका एसएसबी जवान र रासायनिक मल तस्करी गर्ने समूहबीच झडप भएको छ । झडपको क्रममा एसएसबीको हतियार लुट्ने प्रयास समेत गरिएको थियो । हतियार लुट्ने प्रयासका क्रममा भारतीय एसएसबीले गोली चलाएका हुन ।
एसएसबीको गोली लागेर एकजना घाइते पनि भएका छन् । भारतीय नागरिक भरत पासवानलाई गोली लागेको स्थानीयले बताएका छन । तस्कर समूहका एकजनालाई एसएसबीले नियन्त्रणमा पनि लिएका छन ।
एसएसबीको हतियार लुट्ने प्रयास गरिएको भिडिओ अहिले सामाजिक सञ्जालमा भाइरहल भइरहेको छ ।
मल तस्कर र एसएसबीबीच झडप भएपछि अहिले मैनाथपुर क्षेत्रमा सुरक्षा अवस्था कडा पारिएको छ । आज दिउँसोबाट नेपालीलाई समान भित्र्याउन रोक लगाएको छ ।
प्रतिक्रिया दिनुहोस्