सञ्जालहब
३१ असार- दार्चुला, तुइन तर्ने क्रममा महाकाली नदीमा खसेर एक जना पुरुष बेपत्ता भएका छन् ।
ब्याँस गाउँपालिका–२, तल्लो दुम्लिङ्गका २८ वर्षीय नारायण बुढाथोकी बेपत्ता भएको जिल्ला प्रहरी कार्यालय दार्चुलाकाले जानकारी दिएको छ ।
नेपालबाट भारततर्फ तुइन मार्फत जाँदै गर्दा डोरी चुडिएर उनि महाकाली नदीमा खसेका हुन । नेपालतर्फ दुम्लिङ्ग र भारततर्फको गर्भाधार क्षेत्रमा वारपार गर्न अवैध रूपमा तुइन लगाउने गरिएको छ ।
बेपत्ता नारायणसँगै अन्य दुई जना स्थानीय एकै पटकमा तुइन तरिरहेका बेला डोरी चुडिएको हो । यस्तै, सँगै तुइन तरिरहेका उनिहरू मध्ये दुई जना सकुशल छन् भने नारायण महाकालीमा खसेर बेपत्ता भएको प्रहरीले जनाएको छ । घटना मध्यान्ह १२ बजेतिरको भएको थियो ।
बेपत्ता नारायणको खोजीकार्यका लागि मातहत प्रहरी युनिटहरूलाई निर्देशन दिएको प्रहरी निरीक्षक रावतले बताए । घटनास्थल जिल्ला सदरमुकाम खलङ्गाबाट उत्तरमा पर्छ ।
-गोरखापत्र
प्रतिक्रिया दिनुहोस्