पुलको बीचको भाग भत्किँएर नौ जनाको मृत्यु

२५ असार- भारत, गुजरात राज्यको आनन्द र पाद्रालाई जोड्ने पुलको बीचको भाग भत्किँएर नौ जनाको मृत्यु भएको छ साथै अन्य नौ जनालाई उद्धार गरिएको छ।

बुधबार बिहान बडोदरा जिल्लाको मही नदीमा बनेको पुल भत्किएका कारण धेरै सवारी साधन नदीमा खसेको बीबीसी गुजरातीले जनाएको छ ।

यसैबीच, भारतका प्रधानमन्त्री नरेन्द्र मोदीले दुर्घटनाप्रति शोक व्यक्त गरेका छन् । प्रधानमन्त्रीले आफ्नो एक्स अकाउन्टमा गुजरातको बडोदरा जिल्लामा पुल भत्किएर भएको जनधनको क्षति अत्यन्त दुस्खद रहेको बताएका छन् ।