सञ्जालहब
२४ असार- काठमाडौं, राष्ट्रिय स्वतन्त्र पार्टीकी सांसद सोविता गौतमको अभिव्यक्तिलाई नेकपा एमालेका सांसद योगेशकुमार भट्टराईले प्रधानमन्त्रीसँग स्पेन भ्रमणमा गएकाहरू नफर्किएको भनाइ निन्दनीय भएको टिप्पणी गरेका छन् ।
उनले प्रधानमन्त्रीको स्पेन भ्रमणबारे गौतमले दिएको अभिव्यक्ति भत्र्सनायोग्य रहेको बताएका छन । भ्रमण दलमा रहेका २८ जना नै स्वदेश फर्किसकेको पुष्टि भैसकेको उल्लेख गर्दै भट्टराईले प्रधानमन्त्रीलाई लाञ्छित गर्नेगरी नबोल्न चेतावनी समेत दिए ।
‘प्रधानमन्त्रीको भ्रमण दलमा जम्मा २८ जना गएका रैछन् । त्यो नामावली प्रधानमन्त्रीको कार्यालयले समेत सार्वजनिक गरिसकेको छ । तीमध्ये को–को फर्किएनन् र त्यो कुरा उठाउने माननीयज्यूहरुले भन्नुपर्यो’, ‘ती सबैजना प्रधानमन्त्रीसँगै स्वदेश फर्किएको प्रधानमन्त्रीको कार्यालयले स्पष्ट पारिसक्यो । यस्तो अफवाहको कुरा फैल्याउने र प्रधानमन्त्री कार्यालयलाई लाञ्छित गर्ने कुरा निन्दनीय छ । यो भत्र्सनायोग्य छ ।’
प्रधानमन्त्रीको भ्रमण दलमा रहेको कुन सदस्य नफर्किएको आरोप प्रमाणित गर्न उनले चुनौतीसमेत दिएका छन् ।
प्रतिक्रिया दिनुहोस्