सञ्जालहब
२२ असार- काठमाडौं, गोकर्णेश्वर नगरपालिका कार्यालयअगाडि प्रदर्शन गरेका तीन जनामाथि आइतबार बिहान कुटपिट भएको छ।
सवा १० बजे गोकर्णेश्वर नगरपालिका(८ छहारी क्लबस्थित नगरपालिकाको गेटअगाडि अर्थोपेडिक अस्पताल नारायणटारको कम्पाण्डमा पार्किङ शुल्क लिएको भन्दै तीन जनाले प्रदर्शन गरेका थिए।
३३ वर्षीय राजु सुनार, २७ वर्षीय आदर्श क्षेत्री र ३३ वर्षीय गोविन्द आचार्यले बाटोमा सुतेर विरोध गरेका थिए। उनीहरूले विरोध गरेपछि स्थानीय तथा कर्मचारीसँग विवाद भएको प्रहरीले जनाएको छ।
प्रहरी त्यहाँ पुग्दा उनीहरूले आफूहरूमाथि कुटपिट भएको जानकारी प्रहरीलाई गराएका थिए ।
त्यसपछि उनीहरूलाई उपचारको लागि नेपाल मेडिकल कलेज अत्तरखेल लगिएको छ। तीनै जनाको अवस्था सामान्य छ।
प्रतिक्रिया दिनुहोस्