आज शेयर बजार घटेर २६ सयमा अडकियो

१० असार- काठमाडौं, आज मंगलबार शेयर बजार नेप्से परिसूचक घटेर २६ सय विन्दुमा पुगेको छ।नेप्से ०.२२ अंकले घटेर २६००.५३ विन्दुमा बन्द भएको छ।

बजार बन्द हुने समयमा नेप्से झिनो अंकले घटेरै बन्द भयो। आज कारोबार रकम पनि घटेको छ।

अघिल्लो दिनको तुलनामा आज कारोबार रकम ७१ करोड रूपैयाँले घटेको हो। आज ३१६ वटा धितोपत्रको एक करोड ३८ लाख १८ हजार ५५९ कित्ता सेयर किनबेच भएको हो।

मंगलबार १०७ कम्पनीको सेयर मूल्य बढेको छ भने १४२ वटाको घटेको छ।