सञ्जालहब
५ असार- काठमाडौं, नेकपा एकीकृत समाजवादीका कोशी प्रदेश सदस्य तथा पाथीभरा क्षेत्र विकास समितिका अध्यक्ष रक्की थेबेमाथी मुक्क प्रहार भएको छ।
उनलाई कोशी प्रदेशका उद्योग, कृषि तथा सहकारी मन्त्री खगेनसिं हाङगामले दुई मुक्का हानेको जानकारी आएको छ ।
ताप्लेजुङको प्रदेश निर्वाचन क्षेत्र २ बाट निर्वाचित हाङ्गाम गृहजिल्ला पुगेका बेला थेबेसँग विवाद भएको थियो । घटनाका प्रत्यक्षदर्शीले पनि धकेलाधकेल भएको विषय आफूले देखेको बताएका छन ।
घटनाको विषय सार्वजनिक भएपछि आफूसँग मिल्न दबाब आइरहेको थेबेले बताए । अहिलेसम्म उजुरी भने आफूले नदिएको तर, घटनाको विषयमा जिल्ला प्रहरी कार्यालयका प्रमुखलाई थाहा भएको उनले बताएका छन ।
हाङ्गाम यसअघि पनि विवादमा तानिएका थिए । उनलाइ प्रहरीको हतियार खोसेको आरोप समेत लागेको थियो । सादा पोसाकका प्रहरीले मेला हेर्न आएका स्थानीयलाई जिस्क्याएको निहुँमा कांग्रेस सांसद खगेनसिंह हाङ्गाम र डीएसपी राजन लिम्बूबिच प्रतिष्ठाको लडाइँ बनेको थियो । विवाद चर्केपछि हाङ्गामले डीएसपी लिम्बूको परिवारकै हत्या गर्ने धम्की दिएका थिए ।
प्रतिक्रिया दिनुहोस्