मितेरी सहकारी ठगी आरोपी लाई कम्बोडियाबाट नेपाल ल्याइयो

५ असार- काठमाडौं, मितेरी सहकारीको रकम अपचलन गरी फरार भएका ज्योतिबहादुर भण्डारीलाई नेपाल ल्याइएको छ । असार ४ गते राति १० बजे भण्डारीलाई कम्बोडियाबाट पक्राउ गरी नेपाल ल्याइएको छ ।

इन्टरपोलमार्फत जारी गरिएको रेड कर्नर नोटिसका आधारमा उनलाई कम्बोडिया प्रहरीले पक्राउ गरेको थियो । उनलाई लिन नेपाल प्रहरीको टोली कम्बोडिया पुगेको थियो ।

ललितपुरको महालक्ष्मी नगरपालिकामा कार्यालय रहेको मितेरी सहकारी संस्थाको रकम अपचलन सम्बन्धी उजुरीमा सीआईबीले अनुसन्धान गरिरहेको छ ।