प्रतिनिधिसभाको बैठक बुधबारसम्मका लागि स्थगित

२६ जेठ- काठमाडौं, आधा घण्टाका लागि स्थगित भएको संसद् दलहरूबीच सहमति नजुटेका कारण प्रतिनिधिसभाको बैठक बुधबारसम्मका लागि स्थगित भएको छ ।

सभामुख देवराज घिमिरेको सचिवालयले बैठक बुधबार १ बजेसम्मका लागि स्थगित गरिएको जनाएको छ ।

करिब साढे १ घण्टापछि सुरु भएको संसद् केहीबेर मै आधा घण्टाका लागि स्थगित भएको थियो । बैठक सुरु हुनासाथ प्रतिपक्षी दलहरूले नाराबाजी गरेका कारण अगाडि बढ्न नसकेपछि सभामुख देवराज घिमिरेले आधा घण्टाका लागि स्थगित गरेका थिए ।