सञ्जालहब
१२ जेठ- काठमाडौ, गृहमन्त्री रमेश लेखकको भिजिट भिसा प्रकरणमा नेपाली कांग्रेसले संलग्नता नभएको निष्कर्ष निकालेको छ । सोमबार बिहान सभापति शेरबहादुर देउवा निवास बुढानिलकण्ठमा पार्टी पदाधिकारी बैठक बसेर यस्तो निष्कर्ष निकालेको हो ।
बैठकपछि कांग्रेसका प्रवक्ता डा। प्रकाशशरण महतले गृहमन्त्री लेखक अनियमिततामा संलग्न नभएकोप्रति पार्टी विश्वस्त रहेको बताए ।
लेखकमाथि जबरजस्ती आरोप लगाउँदै अफवाह फैलाउने कार्य भइरहेको भन्दै त्यसप्रति आपत्तीसमेत जनाए । भिजिट भिसा प्रकरणमा गृहमन्त्री लेखकको संलग्नता कतैबाट पुष्टि नहुने भन्दै सामाजिक सञ्जालमा अफवाह फैलाइएका भरमा राजीनामा दिन नहुने निष्कर्ष कांग्रेसले निकालेको हो ।
प्रतिक्रिया दिनुहोस्